Specialist/e Marketingu, Shitjesh dhe Zhvillimi Biznesi për HRBIS (Prishtinë)

					 
Pozicioni: Specialist/e Marketingu, Shitjesh dhe Zhvillimi Biznesi për HRBIS në Prishtinë
Vendndodhja: Prishtinë, Kosovë
Software HRBIS po zgjeron praninë e saj në Kosovë dhe kërkon një person ambicioz për promovimin, zhvillimin e tregut dhe mbështetjen e hapjes së zyrës sonë në Prishtinë.
BIS Business Integration Solutions është një kompani italo-shqiptare me mbi 11 vite përvojë në tregun e zgjidhjeve software për bizneset. Software HRBIS përpunon mbi 16,000 paga çdo muaj në Shqipëri dhe mbështet kompani në menaxhimin e burimeve njerëzore, pagave dhe proceseve të administrimit të stafit.
HRBIS është tashmë i pranishëm në kompani në Kosovë dhe është përshtatur sipas legjislacionit të Kosovës, duke ofruar një zgjidhje të gatshme për nevojat lokale të pagave dhe administrimit të burimeve njerëzore.
Përgjegjësitë kryesore:

Promovimi i HRBIS në tregun e Kosovës
Identifikimi, kontaktimi dhe zhvillimi i marrëdhënieve me klientë potencialë
Prezantimi i zgjidhjes software, organizimi i demonstrimeve dhe ndjekja e ofertave
Menaxhimi i procesit të shitjes, nga kontakti i parë deri në mbylljen e marrëveshjes
Zhvillimi i partneriteteve lokale dhe mbështetja e rritjes së pranisë së HRBIS në Prishtinë

Kualifikimet që kërkojmë:

Të paktën 2 vite përvojë në shitje, marketing ose zhvillim biznesi B2B
Preferohet përvojë në shitje të zgjidhjeve software, programeve të pagave ose zgjidhjeve për burime njerëzore
Aftësi të mira në prezantim, negocim, ndërtim marrëdhëniesh me klientët dhe mbyllje shitjesh
Aftësi për të identifikuar mundësi të reja, për të organizuar takime dhe për të ndjekur në mënyrë të pavarur klientët potencialë
Njohje e mirë e tregut të bizneseve në Kosovë dhe e nevojave të kompanive private
Aftësi shumë të mira komunikimi në gjuhën shqipe dhe njohje e mirë e gjuhës angleze
Preferohet, por nuk është e detyrueshme, njohja e gjuhës italiane
Diplomë në ekonomi, marketing, menaxhim, teknologji informacioni ose fushë të ngjashme është avantazh

Ofrojmë një mundësi unike për të qenë pjesë e zgjerimit të HRBIS në Kosovë, me pagë bazë plus përqindje mbi shitjet, si edhe mundësi reale për rritje profesionale bashkë me kompaninë.
Nëse ke aftësi të mira komunikimi, orientim drejt rezultateve dhe dëshirë për të ndërtuar tregun e një zgjidhjeje të konsoliduar software, dërgo CV-në tënde në: [email protected]